en UFFTAGGT

Singvogel am Ufftaggt 2004 mit em Synphonieorcheschter im Stadttheater.

In der BaZ am nägschte Määntig schrybt der Schibli:
Si spiile falsch, si spiile in den Underlyybli.
Sy leen sich vonere Zircher Fäärnseh-Dame styyre.
Kai Wunder spiile sie die falschi Ouvertüre.

Hänn Sii gseh, wie dääne ihri Blööser glänze?
Und denn erscht d Pauker: rooti Bagge, diggi Ränze.
Dasch doch e Vorurtail, dass alles desolat isch:
Ych find die Lyt vo dääre Gugge ganz sympathisch.

Hänn Sii das au gheert, – so wyt simmer scho, verdelli –
dass s Orcheschter morn der Cortège laufe welli.
Me erhofft sich, zem der Styyrzahler schoone,
halt vom Fasnachtscomité jetz d Subventione.

Kai Theater, kai Orcheschter duet me schoone:
Me schnyydet glatt e Viertel wäg an Subventioone.
Das muess doch go, es blyybe immer no drei Viertel.
...