www.singvogel.ch

  • Haim
  • Team
  • Porträt
  • lääse luege loose
    • 2010 - 2019 >
      • 2019
      • 2018
      • 2017
      • 2016
      • 2015
      • 2014
      • 2013
      • 2012
      • 2011
      • 2010
    • 2000 - 2009 >
      • 2009
      • 2008
      • 2007
      • 2006
      • 2005
      • 2004
      • 2003
      • 2002
      • 2001
      • 2000
    • 1994 - 1999 >
      • 1999
      • 1998
      • 1997
      • 1996
      • 1994
  • Interview
  • Links
  • Impressum

Vorlage

No bevor die Rächtschryyb-Ornig richtig  lauft,
het d BVB beraits e neie Duden kauft.
Me well ab sofort sich nach  dääne Reegle richte,
dass me bim Defizit ufs Komma kenn verzichte.
Bild
Wie ka nur soone riise Defizit entstoh?
Der BVB-Verwaltigsroot erkläärt s esoo:
Der Drämmler Kuenz haig während der Pause ungeniert
der Säggser in der blaue Zoone falsch parkiert.
Bild
Der Lewin isch e faire und loyaale Maa.
Als letschti Handlig het äär bi der ÖKK
entschiide, ass me dert trotz Bräämiestuefe zäh
am Stutz sy Psychotherapie wurd ibernäh.

Bild
Im Bläsischuelhuus wirft d Frau Stämpfli während der Handi
e Bligg uf ihri multikulturelli Bandi
und dänggt sich: Philippinos, Spanier, Türke, Basler,
aber Gottsai-gottsaidank kai Harry Hasler.

Bild
Wo am Flurin im Dämmerliecht vom Piz Varuggt
e soone koomischs Reh diräggt vor d Flinte juggt,
do rieft er luut (denn s Schiesse het er glatt vergässe):
Was isch? Hesch genmanipulierti Bohne gfrässe?

Bild
Warte, luege, loose, zeegere und warte,
vernaine, zeegere, e Häägli um der Garte,
e Geste zaige, nai! Wo käämte mir do hii?
Abwarte, zeegere. Denn es isch immer soo gsii.

Bild
Zäh Prozänt vom Budget z Bärn goht an d  Armee,
zäh Prozänt an d AHV und d SBB,
zäh Prozänt an d Bildig, aber denn isch stopp!
Der Räschte isch Sozialhilf für d Familie Kopp.
Bild
E ruuchi Stimm, e Rossgebiss und schiefi Ohre:
Dasch s Pflichtheft für 10-vor-10-Moderatore.
Sy schlugge Luft und rolle d Auge wie im Wahn,
ganz nach em Sprichwort „Aug vor Auge, Zahn vor Zahn“.

Bild
Won ych am Hauptposchtschalter vier nach langem Warte
kennt my Granggekasseprämiezahlig starte,
do sait die Gumsle: Sie sinn falsch, dert stoht s jo gschriibe:
Massesändige sinn am Schalter siibe.



Bild
Me sait, der Delamuraz, und das teent verwääge,
fyyl sich als Maa am Harry Hasler iberlääge.
Hejoo, so falschi Hoor uf dinner Hutt sinn schlächt.
Äär haigi diggi Hutt, und d Hoor uf de Zehn sin ächt.
Bild
Me het do kirzlig schyynts vom Sandoz-Hochuus-Rand
über der Rhyy e Sail zem Ciba-Hochhuus gspannt.
Am  Morge bruucht mes, zem druff d Aktiekirs lo goh,
am Noomidaag, zem s  Personaal draa aabeloo.
Bild
Wenn weder Minz no Karte passt zem  Delifoniere,
denn kaasch au via Stadtkanaal kommuniziere.
So kenne d  Dealer dangg der Kamera, wo am Määrt isch,
in Wooghoof mälde, wievyyl s  Canabis grad wäärt isch. 
Doch au der gweenlig Birger findet die Idee scheen
vo dääre Gratis-Telecommunication.
Stohsch nämmlig vor die Kamera aane uf aim Bai, 
denn haisst das: Y bring no dr Max zem Ässe hai.
Und s Gryttli  Hueber mäldet soo am Rösli Schaad:
Y gang jetz uf dr Achter. Hesch dr Tee baraat? 
Mit me Sunneschirmli kasch dym Schatz verzelle:
Der Kuoni hätt e Knülleraagebot Seychelle.
Jedoch e Räägeschirm haisst: Schnuggi, s isch mer painlich,
y ha kai Gäld me, holsch my ab im Griene Heinlich.
Wenn sich ain rääklet im halboffene Pytschaama,
denn isch s der Sidi Abdel Latif vo el Hama.
Hesch e Noochricht für der Nationalroot Boodemaa,
denn ziehsch e griene Mantel us Tiroler Looden aa.
Stoht ain elai und ganz verlore dert, so wetti,
isch hitt der Daag vo der Seniooreketti.
Und ligt e huffen alte Schrott dert vor em Hägeli,
denn isch s bestimmt e Schuggerauti und kai Tinguely.
Gsehsch uf em Bild Falafel, Kebab und Balleen,
denn waisch als Basler: Jetz isch Fasnacht, ai, wie scheen.
Bild
© Hosch Design 2006 - 2020