www.singvogel.ch
  • Haim
  • Team
  • Porträt
  • lääse luege loose
    • 2020 - 2022 >
      • 2022
      • 2021
      • 2020
    • 2010 - 2019 >
      • 2019
      • 2018
      • 2017
      • 2016
      • 2015
      • 2014
      • 2013
      • 2012
      • 2011
      • 2010
    • 2000 - 2009 >
      • 2009
      • 2008
      • 2007
      • 2006
      • 2005
      • 2004
      • 2003
      • 2002
      • 2001
      • 2000
    • 1994 - 1999 >
      • 1999
      • 1998
      • 1997
      • 1996
      • 1994
  • Interview
  • Links
  • Impressum

2011

Mit de Politiker us Züri duets nümm stimme.
Der Ueli Murer, typisch Zürcher, duet nur schwimme.
Doch wemme d SVP betrachtet und ihr Kader,
dunggts aim: No schlimmer als e Schwimmer isch e Bader.
Bild
Imme Affezahn dur d Stadt fahrt s Rösli Meier
und überholt uf ihrem Flyer no der Zwaier.
Und im Spitaal do sait si denn zem Dr. Käller:
Bi mym Rollator do zieht d Brämsi aber schnäller.
Bild
Es git allergattig Lüt, die bhaupte kritisch,
s Schwyzer Fäärnseh sygi z links und und zue politisch.
Ob die der glyychi Sänder luege, wo das gilt?
Bi mir isch immer der Sven Epiney im Bild.
Bild
Wäge Misswirtschaft hänn d Grieche böös der Bammel.
Und ähnlig trischt sehts uss vo Schönebuech bis Ammel.
Kultur und Bildig blybt am aigene Mischtstogg hange.
Jä, vo Entwiggligsländer kasch nit meh verlange.

Bild
Frisch pensioniert suecht aine Spitzewyy z Italie.
En andre suecht im Alter s Glück und züchtet Dahlie.
E dritte suecht Entspannig uf Safari z Kenia.
Was suecht der Leuebärger ächt bi der Implenia?
Bild
Do letschti Wuche vor em Fäärnseh: ai Empöörig!
Zwai Stund lang s glyyche Bild, die hänn bestimmt e Stöörig.
Bis ych nach gnauem Aaneluege denn erkenn:
Dasch gar nit s Standbild, nai, dasch immer no der Sven.
Bild
Im Bläsi-Schuelhuus sait der Hansli zimmlig stolz:
Mir sinn scho bald Kollege, gäll Frau Ruschterholz.
Zerscht mach y e Lehr als Pizzafahrer oder soo,
doch bin y bald als Queeryystyyger wider doo.
Bild
Si wärde uf mym Zeedel, vorne und au hinde,
partout kai Värs vo däm Vulkaan in Island finde.
Das Eiafiatlajökytl brächti zwoor no hii,
doch waisch jo nümm, schrybsch s jetz mit y oder mit i.
Bild
Vyyli finde s Früeh-Französisch e Tortur,
doch die Sprooch isch Dail vo unserer Kultur.
Französisch het bi uns e wohlvertraute Klang,
zem Byspiil Réception und Etablissemang,
zem Byspiil Patron, Fondue-Caclon, Trottoir, Boulevard,
Fumoir, Buvette, Buvette, Fumoir, Pissoir, Couloir,
Masseur, Coiffeur, Café mélange, Service public,
moitié-moitié, Chinoise, Cordon bleu statt Schüblig,
Jeton, Coupon, Fouton, Molton, Separée,
Chopin, Copin, à point, ébain, Epiney.

Bild
© Hosch Design 2006 - 2022