2013

Sii mien läider uf my erschte Väärs verzichte.
Ych haa döört welle vo däm Wooghoofussbruch brichte.
Do säit my Helgebueb, er fändi das perväärs,
ych bringi jeedes Joor efang die glyyche Väärs.

Sii, das Buech vom Alex Frei, das git e Gschyss.
Was dää so säit und dänggt, gits jetz no schwaarz uf wyss.
Und sotten andri die Idee denn übernää,
no wirds vom Hakan bald e Pixi-Biechli gää

Guten Morgen, Radio S R S R F
S R F R F S F S F R F.
Wir bringen heute stündlich Wetter und Verkehr.
Das wars. Guet Nacht, ihr Radio S F S F R.

E Typ, wo alles besser wäiss, als Chefredaggter, 
drzue baar Schryyberling mit Schnällschussgweer-Karaggter
plus äin, wo schlyymig pubertiert und denn verruggt wird:
S isch konsequänt, wenn jetz das Blatt in Züüri druggt wird.

Sit neuschtem seet dr Moritz Suter, dasch s Frappanti,
im Vreni Schneider klaar e Seeleverwandti.
He joo, au äär stoot bitz verloore umenand
und dringgt sy Kaffi ganz eläi am Pischterand.

Y haa do küürzlig mit em Zuug uff Züüri welle ...

... der Zuug fahrt los, doch in die umgekehrti Richtig.

Der ganzi Väärs kaa me doo loose und gsee.