2019

Filmuffnahme vom Källerstraich im Basler Marionette Theater.
​(Zur Verfiegig gstellt vom Basler Marionette Theater, Marc Gianola. Figur vo dr Susi Hostettler.)

---

Nach em Elektro-Trotti-Renne dur s Quartier
fählt im Altershäim d Frau Bluem vom Zimmer vier.
Zoobe spoot kunnt denn e Whatsapp us Andeer:
Wetter gut, bleibe hier, Akku leer.​

Werum nur kömme nach ere Halluxoperation
d Patiänte räihewyys uf d Intensivstation?
Operation gelungen, wie der Doggder säit,
doch die mäischte häige s Ässe nit verdräit.​

Always when Britisch People say: How do you do?,
they mean: We want the Batze and the Weggli, too.
There is no Deal in Sicht, from Birmingham bis Dover.
They have to wait e bitzli, until May is over.​

Wo uf em Klättergrüscht im Saal vom Groosse Root
der Maxli voll em Vreneli äins uf d Biire schloot,
do säit der Hansli als der eltischt in däm Kräis:
Sinnd doch jetz rueig, s is grad en Abstimmig, wäis.​

Uf der Frauewanderig fuschtet s Bernadette:
Hets do im Schächetal denn gar kei Internet?
E Fotti uffelaade us der Bäiz goht nit.
Ych iss e Wurschtsalaat, und niemer griegt das mit!​

Mir hinterlöön im Netz doch Spuure, Daag für Daag.
Bi Google wäiss me scho, was ych für Pizza maag.
Und losst der Schugger Kuenz e Fuurz us synere Hüfte,
mien si im Tesla-Zenter z Kalifornie lüfte.​

Do wäär äigetlig e Väärs zer regionaale Spitaalplaanig.
Aber so äin hämmer scho im 2004 ghaa.​
​

Hänn Sii s gmeerggt? Dä Väärs vo vorhäär – dasch doch stier –
isch fuffzäh Johr alt, stammt us em Zwäidausigvier.
Wenn unsri Plaaner wyter plaane braav und flyssig,
denn bring en wider im Zwäidausigvieredryssig.